Përfaqësues të qeverisjes vendore, përfaqësues të shoqërisë civile, fermerë, konsumatorë u mblodhën sot për takimin teknik të parë në qytetin e Korçës.

Pikat kryesore që u diskutuan në këtë takim ishin:

• Rritja e çmimeve në qytetin e Korçës
• Siguria Ushqimore
• Pasiguritë që lidhen me konsumatoërt
• Ankesat që lidhen me faturat e energjisë elektirke, cilësinë dhe çmimet e produkteve
• Pasiguritë për blerjet online etj.

Shoqata Instituti për Zhvillim dhe Iniciativa Qytetare në partneritet me Albanian Socio Economic Think Tank, po zbaton projektin “Drejt BE-së: Forcimi i shoqërisë civile dhe qeverisjes lokale për një mbrojtje më të mirë të konsumatorit”.

Ky projekt mbështetet financiarisht nga European Union in Albania nëpërmjet programit IPA 2017, i cili menaxhohet nga Ministria e Financave CFCU Albania.

English Version

Representatives of local government, representatives of civil society, farmers, consumers gathered today for the first technical meeting in the city of Korça.

The main points discussed at this meeting were:

• – Price increase in the city of Korça
• – Food Safety
• – Uncertainties related to consumers
• – Complaints related to electricity bills, quality and prices of products
• – Uncertainties for online shopping, etc.

Instituti per Zhvillim dhe Inisiativa Qytetare in partnership with Albanian Socio Economic Think Tank , is implementing the project” Toward EU: Strengthening CSOs and local government for better consumer protection “.

This project is financially supported by European Union in Albania through the IPA 2017 program, which is managed by the Ministry of Finance CFCU Albania.

Gripi i pulave ka mbërritur edhe në  qarkun e Shkodrës.

Rasti i parë është zbuluar rreth 1 jave më parë në njësinë administrative të Dajçit, në Shkodër, por është mbajtur i fshehtë nga Drejtoria e Bujqësisë së Shkodrës.

Pulat janë identifikuar në banesën e një fshatari. Fillimisht ato janë groposur e me pas janë kryer edhe analizat të cilat treguan se janë pozitive.

Rasti në fjalë është pranuar zyrtarisht nga prefektja Majlinda Angoni, gjatë një takimi pikërisht për këtë çështje.

Burimi: Top Channel

Mielli, vaj, sheqeri dhe orizi, janë 4 produktet që Bordi i Transparencës ka vendosur që të kontrollojë dhe caktojë çmimin e shitjes së tyre.

Konkretisht pas analizimit të këtyre  marzheve  Bordi i Transparencës vendosi që këto produkte duhet ti ofrohen konsumatorit familjar në markete me çmime jo më të  larta se:

104 lekë/kg për orizin kokërrgjatë (1 kg),

123 lekë/kg për sheqerin (1 kg),

321 lekë/litër për vajin e lulediellit,

90.5 leke/kg për miellin masiv.

ëto 4 produktet sipas ministres Delina Ibrahimaj do të mbahen nën vëzhgim nga Bordi i Transparencës dhe do të caktohet çmimi deri në përfundim të krizës.

Kujtojmë se Bordi i Transparencës përveç këtyre 4 produkteve të shportës, vendos edhe për çmimet e karburanteve. Herën e fundit u vendos rritje të çmimit të karburanteve, ku konkretisht një litër naftë shitet me 133 lekë.

Njoftimi: 

Bordi i Transaparencës dhe Monitorimit të Çmimeve të Tregtimit me shumicë/pakicë të produkteve ushqimore bazë dhe produkteve të tjera të lidhura me to, i ngritur  në zbatim të aktit normativ nr. 7, datë 18.03.2022 “Për transparencën dhe monitorimin e çmimit për disa produkte ushqimore bazë dhe produkte të tjera të lidhura me to, si pasojë e situatës së veçantë të krijuar në treg”, në mbledhjen e datës 1 Prill, vendosi miratimin e listës së produkteve ushqimore bazë që do të monitorohen, si më poshtë:

Miell

Vaj luledielli

Sheqer

Oriz kokërrgjatë

Ky vendim është i detyrueshëm për të gjitha subjektet që tregtojnë me shumicë/pakicë këto produkte.

Gjithashtu  Bordi  i Transparencës vendosi miratimin e marzheve që do të aplikohen për disa produkte ushqimore bazë, si pasojë e situatës së veçantë të krijuar nga rritja e cmimeve ndërkombëtare.

Për artikullin oriz kokërrgjatë (1 kg i paketuar) miratohen marzhet si më poshtë:

a) Marzhi i tregtimit të shitësit me shumicë të orizit kokërrgjatë, i cili paketohet në vend nga distributori, është 12.4% mbi koston e zhdoganimit të produktit përfshirë dhe detyrimet e paguara në doganë, ose shprehur në vlerë 11 lekë/kg.

b) Marzhi i tregtimit të shitësit me pakicë të orizit kokërrgjatë të paketuar në vend nga distributori, është 4% mbi çmimin e shitjes me shumicë të përllogaritur sipas shkronjës “a” të kësaj pike, ose shprehur në vlerë 4 lekë/kg.

Për artikullin sheqer (1 kg) miratohen marzhet si më poshtë:

a) Marzhi i tregtimit të sheqerit nga importuesi (i papaketuar), është 3.7% mbi koston mesatare të ponderuar të zhdoganimit të produktit përfshirë dhe detyrimet e paguara në doganë, ose shprehur në vlerë 4 lekë/kg.

b) Marzhi i tregtimit të shitësit me shumicë të sheqerit, i cili realizon ambalazhimin e produktit të paketuar në vend, është 7.2% mbi çmimin e blerjes së produktit të përllogaritur sipas shkronjës “a” të kësaj pike, ose shprehur në vlerë 8 lekë/kg.

c) Marzhi i tregtimit të shitësit me pakicë të sheqerit, është 3.4 % mbi çmimin e shitjes me shumicë të përllogaritur sipas shkronjës “b” të kësaj pike, ose shprehur në vlerë 4 lekë/kg.

Për artikullin vaj luledielli miratohen marzhet si më poshtë:

a) Marzhi i tregtimit të shitësit me shumicë të vajit të lulediellit të paketuar në vend nga distributori, është 12.5% mbi koston mesatare të ponderuar të zhdoganimit të produktit përfshirë dhe detyrimet e paguara në doganë, ose shprehur në vlerë 35 lekë/litër.

b) Marzhi i tregtimit të shitësit me pakicë të vajit të lulediellit, është 1.9% mbi çmimin e shitjes me shumicë të përllogaritur sipas shkronjës “a” të kësaj pike, ose shprehur në vlerë 6 lekë/litër.

Për miellin masiv miratohen marzhet si më poshtë:

a) Marzhi i tregtimit për produktin mielli masiv për prodhimin e bukës, i tregtuar nga përpunuesi i grurit, është 33% mbi koston mesatare të ponderuar të zhdoganimit të produktit grurë, përfshirë dhe detyrimet e paguara në doganë, ose shprehur në vlerë 21.5 lekë/kg.

b) Marzhi i tregtimit të shitësit me pakicë të produktit miell masiv i ambalazhuar, është 4.6% mbi çmimin e shitjes me shumicë të përllogaritur sipas shkronjës “a” të kësaj pike, ose shprehur në vlerë 4 lekë/kg.

Pas analizimit të këtyre  marzheve  Bordi i Transparencës vendosi që këto produkte duhet ti ofrohen konsumatorit familjar në markete me çmime jo më të  larta se:

 104 lekë/kg për orizin kokërrgjatë (1 kg)

123 lekë/kg për sheqerin (1 kg)

321 lekë/litër për vajin e lulediellit

90.5 leke/kg për miellin masiv

Ky vendim hyn në fuqi në datë 05.04.2022 dhe është i detyrueshëm për të gjitha subjektet që tregtojnë me shumicë/pakicë produktet e përcaktuara në këtë vendim./ Abc news

Bilbil Beqaraj, prej 40 vitesh punon si agronom. Ai thotë që arsyeja kryesore se përse prodhimet bujqësore shqiptare rezultojnë të mbingarkuara me pesticide është se fermerët tanë nuk respektojnë afatin e shpërbërjes së kimikatit në bimë.

Dhe fajin për këtë nuk e kanë vëtëm fermerët, por edhe agronomët të cilët sipas rregullores, çdo preparat bujqësor që tregtohet duhet të shoqërohet me një recetë bujqësore.

Fermeri: Kam 1 dynym tokë me domate dhe dua diçka për vrugun.

Farmacisti bujqësor: Unë do të plotësoj një recetë dhe ti do të respektosh afatet e çuarjes së prodhimit në treg.

Vrug domate do të marësh një preprat që është shumë i mirë, doza 0.25%. Koha e përdorimit 14 ditë nuk do të vjelësh prodhimin.

Por, në realitet çfarë ndodh?

“Receta në përgjegjësi nuk lëshohet.”- tha agronomi Bilbil Beqaraj

Receta bujqësore,  duhet të lëshohet vetëm nga specialistët e bimëve, të cilët janë hallka kryesore për të garantuar sigurinë suhqimore. Por ata nuk zgjedhin të bëjnë rolin e agronomit, por vetëm të shitësit të helmeve.

“Kur ti shkon dhe blen një pesticid tek agronimi a mer një recetë nga ai? Jo, për momentin nuk kemi marë asgjë. ata që shesin janë shokët tonë me ato kemi pas të mirat dhe të këqijat. Por ama përgjegjësi nuk mban askush për këtë problem.”- tha fermeri Mihal Verdha

“Rëndësia e kësaj recete më shumë ka të bëjë me sigurinë ushqimore. Për vjeljen e prodhimit nga fermeri e për ta cuar në fermë.”– tha agronomi Bilbil Beqaraj.

Për të verifikuar se si tregtohen preparatet bujqësore, Top Channel shkoi në një farmaci bujqësore të Tiranë dhe bleu një kimikat bujqësor  për prodhimin në sera,përfundimi ishte se ky farmacist nuk lëshoi asnjë recetë, por na këshilloi vetëm verbalisht.

Gazetarja: Kam një serë në shtëpi dhe dua diçka për tutën e domatës.

Farmacisti bujqësor: Ke dy përzierja, një ciprenex dhe një përzierja.

Gazetarja: Sa ditë e ka karencën?

Farmacisti bujqësor: Karencën e ka 10 ditë.

Mjekët thonë se shitja e kimikateve pa recetë dhe përdorimi i tyre pa limit, vë në rrezik shëndetin e konsumatorëve.

Sa i rrezikshëm është ky preparat bujqësor?

‘Shoqërohet me rritjen e nivelit të metaleve të rënda në gjak dhe metalet e rënda në gjak kur kemi ekspozime kronike bëhen shkak për shumë sëmundje si alzajemri, parkinsoni, sëmundje malinjë dhe kancer të ndryshëm.’- tha toksikologia Sonila Tivari.

Në klinikën tuaj a keni pas raste të pacientëve me intoksikim nga preparatët bujqësore?

“Kemi pas raste ambulatore edhe pse niveli helmimeve ka qenë goxha i lartë.  Por kemi pas raste dhe të toksikimeve akute.” tha toksikologia Sonila Tivari.

Është detyrë e AKU që të na sigurojë ushqime të sigurta, por për sa kohë kimikatet bujqësore shiten dhe përdoren pa kontroll siguria ushqimore vihet në pikëpyetje./ Top Channel

Sot u zhvillua takimi i parë teknik në qytetin e Kukësit nga rrjeti i krijuar për mbrojtjen e #Konsumatorit.

Përfaqësues të Zyrës së Konsumatorit Kukës, përfaqësuese të Bashkisë, shoqëria civile, gazetarët ngritën problemet e tyre si konsumator në qytetin e Kukësit. Problematikat më të shumta si #konsumator ata i konstatuan në rritjen abuzive të çmimeve për ushqimet, për cilësinë e tyre dhe ankesa për mbi faturimin e energjisë elektrike . Pavarësisht se rrjeti ngriti disa problematika në lidhje me ata si #konsumator, në Zyrën e Konsumatorit Kukës nuk kishte asnjë ankesë zyrtare “për shkak të mentalitetit” dhe se qyteti i Kukësit është i vogël dhe të gjithë njihen me njëri tjetrin.

Shoqata Instituti për Zhvillim dhe Iniciativa Qytetare në partneritet me Albanian Socio Economic Think Tank, po zbaton projektin “Drejt BE-së: Forcimi i shoqërisë civile dhe qeverisjes lokale për një mbrojtje më të mirë të konsumatorit”.

Ky projekt mbështetet financiarisht nga European Union in Albania nëpërmjet programit IPA 2017, i cili menaxhohet nga Ministria e Financave CFCU Albania.

English Version

Today was the first technical meeting in the city of Kukes from the Consumer protection network, created in the Kukes city.

Representatives of the Kukës Consumer Office, representatives of the Municipality, civil society, journalists ect raised their problems as consumers in Kukës.

The most problems as a #consumer they found in the abusive increase prices of food , their quality and complaints about electricity billing. Despite the fact that the network raised some issues regarding them as #consumers, in the Kukës Consumer Office there was no official complaint “because of the mentality” and that the city of Kukës is small and everyone knows each other.

Instituti per Zhvillim dhe Inisiativa Qytetare in partnership with Albanian Socio Economic Think Tank, is implementing the project” Toward EU: Strengthening CSOs and local government for better consumer protection “.

This project is financially supported by European Union in Albania through the IPA 2017 program, which is managed by the Ministry of Finance CFCU Albania.

Ministria e Bujqësisë dhe Zhvillimit Rural ka konfirmuar rastin e parë të influencës aviare të tipit H5N8. Rasti është konfirmuar në  një fermë në Durrës, që mbarështojnë shpendë.

Gjithashtu, Ministria e Bujqësisë dhe Zhvillimit Rural bën me dije se nga hetimi epidemiologjik deri më sot flitet për raste të izoluara.

“Gjurmimi i sëmundjes nga autoritetet ligjzbatuese ka nisur me një hetim të thelluar epidemiologjik menjëherë sapo Ministria e Bujqësisë dhe Zhvillimit Rural ka marrë sinjalizimin e parë për ngordhje të pulave. Analizat e njëpasnjëshme, në ditë të ndryshme, në kampione të ndryshme, në stabilimente të ndryshme, në të gjithë vendin, marrë gjatë kësaj periudhe konfirmonin sëmundjen e laringotrakeik gjendur vetëm në dy stabilimente në Durrës. Ndërsa vijoi gjurmimi dhe monitorimi prej sinjalizimit të parë për çdo ditë me testime, një kampion i marrë sot, datë 19 Mars 2022, analizuar nga laboratori i referencës së Institutit të Sigurisë Ushqimore dhe Veterinarisë, ka rezultuar pas analizimit me metodën molekulare të avancuar RT-PCR, me praninë e influencës aviare, H5N8. Hetimi epidemiologjik deri më sot flet për rast të izoluar. Ndërsa është vendosur karantinimi, udhëzuar për masat e sigurisë dhe higjenës që duhet të zbatohen, janë marrë të gjitha masat për kufizimin e përhapjes së kësaj sëmundje duke përcaktuar perimetrin e zonës nga e cila ndalohet lëvizja e shpendëve, produkteve dhe nëprodukteve të tyre. Është ngritur pranë Ministrisë, Qendra Kombëtare e Manaxhimit të Situatës si dhe është vendosur në zbatim plani i masave mbrojtëse kufizuese në përputhje me rekomandimet e Organizatës Botërore të Shëndetit të Kafshëve (OIE). Fermat dhe stabilimentet që mund të vërejnë problematika mund të njoftojnë Autoritetin Kombëtar të Veterinarisë në numrin jeshil 0800 3366.

Më tej, ministria sugjeron që “ushqimet e mishit të shpendëve të gatuhen në temperatura mbi 70°C dhe vezët po ashtu të jenë të mirëgatuara”.

“Gatimi i plotë i mishit dhe vezëve siguron pamundësinë e virusit për prani në produkte të papërpunuara që hyjnë në zinxhirin ushqimor. Nuk ka prova epidemiologjike se ky virus mund të transmetohet tek njerëzit përmes ushqimit (shpendëve e vezëve). Virusi është i ndjeshëm ndaj nxehtësisë dhe dezinfektuesve po ashtu, prandaj praktikat e mira higjienike (dezinfektimi i sipërfaqeve) dhe higjiena personale (larja e duarve) ndihmon në kontrollin e rrezikut”, thuhet në njoftimin e Ministrisë së Bujqësisë.

Ministria e Bujqësisë ka reaguar për ngordhjen e 500 mijë pulave në dy pulari në Durrës. Ministria bën të ditur se nuk ka asnjë rast të pranisë së influencës aviare (gripi i shpendëve) në Shqipëri deri më tani.

Në një deklaratë, ministria thekson se pas analizave të kryera në tre data të ndryshme dhe me mbi 60 kampione, rezultatet e marra nga mostrat e dërguara nga Agjencia Kombëtare e Veterinarisë dhe Mbrojtjes së Bimëve drejt laboratorit të certifikuar në Institutin për Sigurinë Ushqimore dhe Veterinarinë përjashtojnë kategorikisht sëmundjen virusale të gripit të shpendëve.

Sipas ministrisë, rezultatet e analizimit në laboratorin e referencës konfirmojnë se nuk ka sëmundje që rrezikojnë konsumatorin apo produktet ushqimore me origjinë nga shpendët.

Njoftimi i plotë:

Ministria e Bujqësisë nëpërmjet Agjencisë Kombëtare të Veterinarisë dhe Mbrojtjes së Bimëve dhe Institutit për Sigurinë Ushqimore dhe Veterinarinë informon opinionin publik se nuk ka asnjë rast të pranisë së influencës aviare (gripi i shpendëve) në Shqipëri deri më tani.

Pas analizave të kryera në tre data të ndryshme dhe me mbi 60 kampione, rezultatet e marra nga mostrat e dërguara nga Agjencia Kombëtare e Veterinarisë dhe Mbrojtjes së Bimëve drejt laboratorit të certifikuar në Institutin për Sigurinë Ushqimore dhe Veterinarinë përjashtojnë kategorikisht sëmundjen virusale të gripit të shpendëve.

Rezultatet e analizimit në laboratorin e referencës konfirmojnë se nuk ka sëmundje që rrezikojnë konsumatorin apo produktet ushqimore me origjinë nga shpendët.

Ju bëjmë me dije se rastet e dyshuara janë të lokalizuara në vetëm 2-3 stabilmente në një zonë të vetme.

Agjencia Kombëtare e Veterinarisë dhe Mbrojtjen e Bimëve dhe Instituti për Sigurinë Ushqimore dhe Veterinarinë janë në monitorim të vazhdueshëm dhe po bën kontrolle për të verifikuar arsyet e kësaj situatë epizootike.

Autoriteti i Konkurrencës ka hapur një hetim paraprak në tregun e tregtimit me shumicë të karburanteve. Sipas këtij institucioni, shkak është bërë rritja e çmimeve të nënprodukteve të naftës duke filluar nga muaji shkurt. Tregu i shitjes me shumicë përfshin ndërmarrjet importuese të karburantit të llojit naftë dhe benzinë, si dhe ato që e blejnë me shumicë në tregun e brendshëm.

Ky institucion shprehet se rritja e çmimit të naftës dhe të benzinës është reflektuar në të gjithë tregun e shitjes me pakicë dhe për pasojë duke rezultuar në çmime përgjithësisht më të larta për konsumatorin fundor. AK ka nisur një monitorim të tregut gjatë muajit shkurt, për të vlerësuar tendencat e çmimeve të karburanteve diesel dhe benzinë, pranë ndërmarrjeve të cilat operojnë në tregun e tregtimit me pakicë të karburanteve.

Nga deklaratat e marra gjatë monitorimit, u konstatua se në muajt e fundit ka patur një rritje periodike të vazhdueshme të çmimit të karburantit. Në periudhën e monitorimit, çmimet arrinin deri në 194 lekë për litër dhe vendimi i AK është marrë në fund të muajit shkurt; por gjatë muajit mars çmimet kanë nisur një tjetër rritje galopante dhe kanë prekur çmime rekord të të gjitha kohërave. Në mesin e kësaj jave, çmimi i karburantit diesel dhe benzinë ka arritur deri pranë kufijve të 300 lekëve për litër.

Tregtarët e mëdhenj e argumentojnë këtë shtrenjtim me rritjen e fortë të çmimit të karburanteve në tregjet botërore. Lënda e parë, nafta bruto, tregtohet aktualisht me pothuajse 130 dollarë amerikanë për fuçi. Lufta në Ukrainë dhe sanksionet ndaj Rusisë i kanë dhënë një goditje të mëtejshme çmimeve që kishin nisur prej muajsh një rritje të ndjeshme, për shkak të kërkesës më të lartë dhe vendimit të prodhuesve të mëdhenj për të mos shtuar sasitë e hedhura në treg.

“Çmimet nga pikat e shumicës dalin çdo ditë me bursën korrente dhe marrin rritje graduale, të koordinuar me rezervat që ka gjendje në pikat e karburantit me furnizimin e ri, por fatkeqësisht rritja e çmimeve në bursë javën e fundit ka qenë galopante. Sqarojmë se rezervat tremujore që mbahen sipas ligjit janë gjithnjë në depo fizikisht, por çmimi kurrë nuk mund të mbyllet ose fiksohet vetëm në ditën që hidhet në treg për konsum,” thuhet në deklaratën e Shoqatës së Hidrokarbureve.

Deklaratat e mësipërme shtron argumentin se çmimi i shitjes me shumicë rritet duke ndjekur bursën, me qëllimin për të reflektuar atë që pritet të jetë kostoja e vlerësuar e blerjes së furnizimeve të reja dhe e mbajtjes së pandryshuar të rezervës tremujore. Nëse mbështetemi te ky interpretim, atëherë sasitë e importuara më parë po shiten me një marzh shumë më të madh, duke reflektuar konjukturën aktuale, që është krijuar sidomos pas shpërthimit të luftës në Ukrainë.

Autoriteti i Konkurrencës kishte mbyllur një hetim të thelluar në tregun e karburanteve vetëm në dhjetor të vitit të kaluar. Hetimi në tregun e ngarkim-shkarkimit, importit, depozitimit, shitjes me shumicë të karburanteve përfshiu periudhën kohore nga 1 Janari 2017 deri në 30 Tetor 2020 dhe nuk evidentoi shkelje të ligjit “Për mbrojtjen e Konkurrencës”. Sipas Autoritetit të Konkurrencës, në tregun e importit të karburanteve operojnë një numër i konsiderueshëm dhe treguesi i përqendrimit të tregut (indeksi HHI) ka ardhur në rënie gjatë periudhës hetimore.

Megjithatë, në kushtet e reja që janë krijuar në fillim të këtij viti, AK ka gjetur indicie të reja që krijojnë dyshime për marrëveshje të ndaluara, në shkelje të ligjit “Për mbrojtjen e Konkurrencës”./ Burimi A2 CNN

Titulli i projektit: Pacientët me dëmtim të shikimit, barrë financiare për veten dhe shoqërinë. Analiza dhe krahasimi i situatës për Shqipërinë dhe Kosovën

Vendndodhja e projektit: Shqipëri, Kosovë

Kohëzgjatja totale e projektit – 10 muaj

Objektivat e projektit:

• Kuptimi i boshllëqeve në sistemin e kujdesit shëndetësor që çojnë në një barrë më të madhe financiare dhe sociale për pacientët por edhe për vetë sistemin.
• Kryerja e studimit të parë mbi pasojat shëndetësore sociale dhe ekonomike të pacientëve me dëmtim të shikimit dhe retinopati diabetike me qëllim avokimin për zgjidhjen e problemeve pranë institucioneve përgjegjëse.

Aktivitetet kryesore:

• Mbledhja e të dhënave dhe studimi i literaturës për situatën e pacientëve me dëmtim të shikimit dhe retinopati diabetike.
• Intervista të thelluara me 7 mjekë endokrinologë dhe 7 okulistë në Shqipëri dhe Kosovë në lidhje me barrën shëndetësore dhe financiare që sjell mungesa e trajtimit në kohë për pacientët me retinopati diabetike.
• Intervista të thelluara me rreth 50 pacientë me diabet dhe dëmtim të shikimit dhe/ose familjet e tyre.
• Fushata ndërgjegjësuese online.

 

 

 

Titulli i projektit: Mendo shëndetshëm, jeto shëndetshëm

Vendndodhja e projektit: Tiranë

Kohëzgjatja totale e projektit – 6 muaj

Objektivat e projektit:

• Promovimi i një stil jetese dhe ushqyerje të shëndetshme tek fëmijët e shkollave 9 vjeçare.

Rezultatet e projektit:

• 300 fëmijë do të jenë të informuar mbi ushqyerjen e shëndetshme;
• Mësues të informuar me metoda të reja ku nxënësit përfshihen aktivisht për përcjelljen e mesazheve të rëndësishme, si ato për shëndetin;

Aktivitetet kryesore:

• Ekspozita në 3 shkolla 9-vjeçare të Tiranës.
• Takime me mjek endoksinolog/dietolog.
• Broshurë online për ushqyerjen e shëndetshme.